#媽媽就是那個永遠當您孩子的人
今日講一講旅行既side track.
話說 其實我今次係第四次同麥仔旅行
但之前三次我都無同媽媽講
所以喺我媽心目中我係 第一次同麥仔去旅行
於是旅行前我收到媽媽的「溫馨提示」..
圖為我媽真實send畀我的whatsapp...
嗯我媽是個既open minded 又保守的人
喺好多方面佢都會任由我自由發展
例如讀書工作交朋友交男朋友都很自由
但去到某啲位我媽就會覺得我係小朋友～
例如每次見到果啲 少女被網友強姦
網上識人陷阱多 網絡騙案乜乜乜
我媽都會腥畀我
講緊上年佢都仲會叫我唔好上網識朋友呀
網上好多壞人咖......
利申：我從來都無畀人呃過
而且我根本唔會網上識朋友 無交友app
但唔知點解喺佢心目中我就係一隻隨時被騙的傻豬仔
從小家教都嚴
女孩子唔可以順便出去過夜
除左旅行去camp都唔好亂過夜
所以我從來無喺麥仔屋企過夜咖
只係偷偷同麥仔去過三次旅行無同媽媽講姐～
好乖女
但～喺媽媽眼中仔女永遠都是十六歲未成年的小孩
明白既 都是擔心我被人呃
不過媽呀～我廿五歲啦都差不多中女
而且一睇就知我係醒目仔
叫麥仔小心啲好過啦😏
Search